Монгол Улсын Хүний эрхийн  Үндэсний байгууллага байгуулагдах болсон шалтгаан, байгууллагын бүрэн эрх, үйл ажиллагааны зарчим,  эрхэм зорилго, Комисс, түүний гишүүний бүрэн эрх, бүрэн эрхийн баталгаа, бүтэц бүрэлдэхүүний талаарх цогц мэдээллийг Хүний эрхийн  Үндэсний Комиссын шинэ танилцуулга уншигч танд өгөх болно. 

Англи, монгол хэл дээр хэвлэгдсэн энэхүү товхимлоос Хүний эрхийн Үндэсний Комиссын тухай дэлгэрэнгүй мэдээллийг аваарай.

Монгол Улсад Хүний эрхийн Үндэсний Байгууллага байгуулагдсаны 10 жилийн ойг тохиолдуулан Хүний эрхийн Үндэсний Комисс, Комиссын гишүүний гаргасан баримт бичгүүдийг эмхэтгэн хэвлүүлж, уншигч танаа өргөн барьж байна. 

Энэхүү ном нь хоёр дэвтэртэй. Эхний ботид Комиссын гишүүний шаардлага, зөвлөмж, шүүхэд гаргасан төлөөлөн нэхэмжлэл, шүүхийн шийдвэрүүдийг эмхэтгэлээ. НҮБ-ын Хүний эрхийн гэрээ, конвенцийн хороодын зөвлөмж болон Хүний эрхийн Зөвлөлийн Тусгай илтгэгчдийн тайланд тусгагдсан Монгол Улсын Хүний эрхийн Үндэсний Комиссын талаарх дүгнэлт, Комиссын анхны жилүүдийн илтгэлийг багтаасан  бол II дэвтэрт Монгол Улс дахь Хүний эрх, эрх чөлөөний талаарх 2006-2010 оны Комиссын илтгэл, илтгэлийг хэлэлцээд гаргасан УИХ-ын Хууль зүйн байнгын хорооны тогтоолуудыг орууллаа.

Энэхүү хоёр ботийг хэвлүүлэхэд НҮБ-ын Хөгжлийн хөтөлбөрийн "Хууль зүйн үйлчилгээний хүртээмж ба Хүний эрх" төсөл тусалсан юм.

Аливаа хэсэг хүмүүсийн бүлэгт багтаж буйн улмаас жишээлбэл, тухайн хүн эм хүйстэн, аль нэг үндэстэн ястанд хамрагддаг,хөгжлийн бэрхшээлтэй, өвчний улмаас г.м. тухайн хүнд шударга бус хандах явдлыг ялгаварлан гадуурхах үйлдэл гэж тодорхойлно.

Эмэгтэйчүүдийн эрх гэдэг нь эмэгтэйчүүдэд шууд болон шууд бусаар хамаарах хүний бүх эрхийг тодорхойлсон нэр томьёо. Жишээ нь: Хүйсээр ялгаварлан гадуурхагдахаас болон хүчирхийллээс эрх чөлөөтэй байх эрх, нөхөн үржихүйн эрх, эдийн засгийн эрх гэх мэт.

Сэтгүүлчид хүний эрхийг хамгаалах, сурталчлахад чухал үүрэг гүйцэтгэдэг. Учир нь тэд цаг ямагт олон нийтийн нүд, чих байдаг. Үнэн зөв, ил тод мэдээлэл нь нийгмийг эрүүлжүүлэх, тунгалаг байлгахад зөвхөн эерэгээр нөлөөлдөг. Тиймээс сэтгүүлчдийн бодол санаа, үзэгний үзүүрийг хүний эрхийн асуудлаар байнга хурцалж байхыг Хүний Эрхийн Үндэсний Комисс цаашид хичээх болно.