Эвлэрүүлэн зуучлах ажиллагаа гэдэг бол эвлэрүүлэн зуучлагчийн тусламжтайгаар маргааны талууд бодит нөхцөл байдалд тохирсон шийдэлд хүрэхийн тулд харилцан ярилцаж, түүний үр дүнд талууд сэтгэл хангахуйц, санал нэгдсэнээр маргааныг шийдвэрлэх ажиллагаа юм. Эвлэрүүлэн зуучлалын зорилго нь юу байх вэ. Зуучлалыг амжилттай явуулахад эвлэрүүлэн зуучлагч туслах үүрэгтэй, харин талууд харилцан ярилцаж, тохиролцоонд хүрч эвлэрэх нь чухал болох, мөн асуудлаа амжилттай шийдвэрлэж эвлэрэх нь хамгийн эцсийн зорилго юм.

Мөн талууд харилцан тохиролцож, зөв шийдэлд хүрч чадахгүй бол тохиолдолд шүүхийн журмаар шийдвэрлүүлэхээр нэхэмжлэл гаргах эрх иргэдэд нээлттэй үлдэнэ.

Эвлэрүүлэн зуучлах ажиллагааны давуу талууд:

•  Зардал бага;
•  Хурдан шуурхай;
• Ашиглахад хялбар;
• Хаалттай;
• Заавал өмгөөлөгчийн тусламж авах шаардлагагүй;
• Талуудын хоорондын харилцааг хадгалж үлдэх боломжтой;
• Ажиллагааг талууд удирдан явуулах боломжтой;
• Уян хатан байдлаар тохиролцоонд хүрэх боломжтой;