Хүний эрхийн Үндэсний Комиссоос сүм, хийдүүдийн удирдах ажилтнуудад зориулсан “Хүүхдийн эрх-бидний үүрэг хариуцлага” сэдэвт сургалтыг 2012 оны 06 дугаар сарын 18-19-ний өдрүүдэд зохион байгуулж байна.

НҮБ-ын Хүүхдийн сангийн дэмжлэгтэйгээр НИТХ, Хүүхдийн төлөө газар зэрэг төрийн болон иргэний нийгмийн байгууллагуудтай хамтран зохион байгуулж буй энэхүү сургалт нь сүм хийдэд суралцагч хүүхдүүдийн сурч боловсрох, хамгаалуулах, хөгжих, оролцох эрхийг хангах талаар сүм хийдийн багш, ажилтнуудын мэдлэг ойлголтыг нэмэгдүүлэх, цаашдын хамтын ажиллагааны талаар санал солилцоход чиглэгдэх юм. Сургалт “Бишрэлт Плаза” зочид буудлын Хурлын танхимд хоёр өдөр үргэлжилнэ.