НҮҮР » Мэдээ мэдээлэл » Зарлал » “ХҮНИЙ ЭРХИЙН АСУУДЛААРХ ТЕЛЕВИЗИЙН ШИЛДЭГ БҮТЭЭЛ”-ИЙН УРАЛДААН

“ХҮНИЙ ЭРХИЙН АСУУДЛААРХ ТЕЛЕВИЗИЙН ШИЛДЭГ БҮТЭЭЛ”-ИЙН УРАЛДААН

 

Монгол Улсын Хүний эрхийн Үндэсний Комисс Канадын Элчин Сайдын Яамтай хамтран Олон Улсын Хүний Эрхийн өдрийг 2011 оны арванхоёрдугаар сарын 10-ны өдөр тэмдэглэн өнгөрүүлэх ажлын хүрээнд  “Хүний эрхийн асуудлаарх телевизийн шилдэг бүтээл”-ийн уралдааныг үндэсний болон орон нутгийн хэмжээнд үйл ажиллагаагаа явуулдаг телевизүүдийн нийт уран бүтээлчдийн дунд 2011 оны 10 дугаар сарын 28-ны өдрөөс 12 дугаар сарын 15-ны өдрийг хүртэл зарлаж байна.

Шилдэг бүтээл шалгаруулах зорилго:

1.    Хүний эрхийн анхаарал татсан асуудлуудыг эрэлхийлэх, шийдвэрлэх арга замыг тодорхойлоход сэтгүүлчдийн оролцоог дэмжих;

2.    Хүний эрхийн тулгамдаж буй асуудалд олон нийтийн анхаарлыг хандуулах, мэдлэг ойлголтыг нэмэгдүүлэх;

3.    Олон нийтийн мэдээллийн хэрэгсэл болон хүний эрхийн байгууллага хоорондын хамтын ажиллагааг  бэхжүүлэх;

Уралдааны зохион байгуулалт:

  • Бүтээлийг Засгийн Газрын XI байр, Хүний Эрхийн Үндэсний Комиссын 511 тоотод 2011 оны XII сарын 15-ны өдрийг хүртэл хүлээж авна.

  • Шүүгчдийн бүрэлдэхүүн шилдэг нэг бүтээлийг XII сарын 16-наас XII сарын 18-ны өдрүүдэд шалгаруулна.

  • Шилдэг бүтээлийн эзэнд шагнал гардуулах ажиллагааг XII сарын 18-ны өдрөөс хойш жич зарлаж, зохион байгуулна.

Шагналын сан:

Уралдаанд ирүүлсэн бүтээлээс нэг бүтээлийг шалгаруулж, “Хүний эрхийн асуудлаарх телевизийн 2011 оны шилдэг бүтээл” өргөмжлөл олгоно. Өргөмжлөлийг 1 000 ам. доллар дагалдана.

Бүтээлд тавигдах шаардлага:

1.    Орчин цагийн Монголын нийгэмд тулгамдаж буй хүний эрхийн асуудлыг хөндөж, тодорхой санал, дэвшүүлсэн байх;

2.    Хүний эрхийн зарчимд нийцсэн, асуудалд хүний эрхийн мэдрэмжтэй хандсан байх (хувь хүний нууц, насанд хүрээгүй хүмүүсээс дэмжлэг авах нөхцөлд тэдгээрийн эцэг эх, харгалзан дэмжигч, асран хамгаалагчаас зөвшөөрөл авах гм.);

3.    Шинэлэг, сонирхолтой байх;

4.    Зохиогчийн эрхийг хүндэтгэж, мэргэжлийн ёс зүйг чанд сахих;

5.    Бүтээлийг 2011 оны XII сарын 1-нээс  XII сарын 10-нд телевизийн аль нэг сувгаар цацуулсан байх (нийслэл, орон нутгийн телевизийн аль нь ч байж болно);

6.    Бүтээл 10 минутаас хэтрэхгүй хугацаатай байх бөгөөд нэвтрүүлэг эхлэхэд цагаан дэвсгэр дээр “ОЛОН УЛСЫН ХҮНИЙ ЭРХИЙН ӨДӨРТ ЗОРИУЛАН БҮТЭЭВ” гэсэн бичвэрийг Arial фонтоор 3 секунд үзүүлэх;

7.    Тухайн нэвтрүүлгээр дэвшүүлсэн санаа зохиогчийн хувийн үзэл бодол бөгөөд Хүний эрхийн Үндэсний Комиссын байр суурийг илэрхийлэхгүй болохыг нэвтрүүлэгт тодорхой дурьдсан байх;

8.    Бүтээл нь чанарын шаардлага хангасан байх бөгөөд бичлэгийг CD-д хуулж, телевизийн сувгаар цацуулсныг нотлох баримтын хамт дээр заасан хугацаанд Комисст хүргүүлсэн байх;

Тодруулга, лавлагаа:

Утас:   (976-51) – 262751 (Референт Ч.Ариунаа);

           (976-51) – 262931 (Зааварлагч Ж.Оюунхүү);

Шилдэг бүтээлийн зохиогчийн нэрийг дурьдан цаашид хүний эрхийн сурталчилгаанд ашиглана.

МОНГОЛ УЛСЫН ХҮНИЙ ЭРХИЙН ҮНДЭСНИЙ КОМИСС

Цахим шуудан: info@mn-nhrc.org

Цахим хуудас: www.mn-nhrc.org

Шуудангийн хаяг: Чингэлтэй дүүрэг, VI хороолол, Тусгаар тогтнолын талбай, Засгийн газрын XI байр, Улаанбаатар хот, 15140 Монгол Улс

 

Үйл явдал
«    Гуравдугаар сар 2012    »
ДаМяЛхПүБаБяНя
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
 

Санал асуулга
Таны бодлоор хүний эрхийн зөрчил үүсэхэд нөлөөлж буй гол хүчин зүйл юу вэ?
Хүнд суртал
Ядуурал
Уул уурхай
Хүний эрхийн мэдлэг ойлголтгүйгээс
Бусад