Зарлал мэдээлэл

“Хүүхдийн Хөдөлмөрийн Тэвчишгүй Хэлбэрийг Устгая”гэрэл зургийн уралдааны болзол

Нэгдсэн Үндэсний Байгууллагаас 1948 онд баталсан “Хүний эрхийн түгээмэл тунхаглал”-ын 60 жилийн ойг тохиолдуулан Монгол Улсын Хүний эрхийн Үндэсний Комисс /ХЭҮК/ нь Олон Улсын Хөдөлмөрийн Байгууллагын дэмжлэгтэйгээр хийсэн Монгол Улс дахь хүүхдийн хөдөлмөрийн тэвчишгүй хэлбэрүүдийн талаарх судалгааны үр дүнд олон нийтийн анхаарлыг хандуулах зорилгоор “Хүүхдийн хөдөлмөрийн тэвчишгүй хэлбэрүүд” гэрэл зургийн уралдааныг зарлаж байна.

Онол, практикийн бага хурал зохион байгуулна

Хүний Эрхийн Түгээмэл Тунхаглал батлагдсаны 60 жилийн ойг тэмдэглэн өнгөрүүлэх ажлын хүрээнд “Эрүү, шүүлтийн хохирогчдыг хамгаалах” олон улсын өдрийг тохиолдуулан “Эрүү, шүүлтээс ангид байх Хүний эрх” сэдэвт онол, практикийн бага хурлыг “Эмнести Интернэшнл” байгууллагатай хамтран 2008 оны 6 дугаар сарын 26-ны өдөр 9.00 цагаас Хууль Зүйн Үндэсний Төвийн хурлын танхимд зохион байгуулна.

Кино наадамд оролцоно уу

Энэ оны 11 ээс 12 дугаар сарын хооронд Австралийн Мельбурн, Канберра, Сидней Перт хотуудад хүний эрхийн талаарх кино наадам болох гэж байна. Уг наадамд оролцохыг хүссэн хүмүүс хүний эрхийн талаар бүтээсэн киногоо 7 дугаар сарын 14-ны дотор явуулна уу. Дэлгэрэнгүй мэдээллийг дараах веб хуудаснаас авна уу. http://www.hraff.org.au/

“Хүний Эрх” сэтгүүл өгүүлэл хүлээн авч байна

Хүний Эрхийн Үндэсний Комисс (ХЭҮК) нь улирал тутмын “ХҮНИЙ ЭРХ” сэтгүүлийг хэвлэн гаргадаг уламжлалтай билээ. Энэ сэтгүүл нь олон улсын, бүс нутгийн болон үндэсний хүний эрхийн бодлого, баримт бичгүүд, манай улс дахь хүний эрхийн тулгамдсан асуудлууд, тэдгээрийг шийдвэрлэх арга зам, хууль тогтоомжийн хэрэгжилтийн талаарх онол, практикийн сэдвээр байгууллага, эрдэмтэн судлаачдын бүтээлүүдийг нийтэлдэг.

Эмэгтэйчүүдийн Нийгэм-Эдийн засгийн эрх сэдэвт сэтг үүлчдэд зориулсан сургалт

Хүний Эрхийн Үндэсний Комисс нь эмэгтэйчүүдийн эрхийн асуудлаар хэвлэл мэдээллийн байгууллагын ажилтнууд, сэтгүүлчдэд зориулсан цуврал сургалтууд зохион байгуулж байна.

Дөрөв дэх удаагийн сургалт “Эмэгтэйчүүдийн нийгэм-эдийн засгийн эрх” сэдвээр 2007 оны 07 дугаар сарын 25-ны өдрийн 10.00-17.00 цагийн хооронд тус Комиссын Сургалт, сурталчилгааны танхимд болох тул хэвлэл мэдээллийн байгууллагуудаас сэтгүүлчдийг сургалтанд оролцохыг урьж байна.

Оролцохыг хүсэгчид 2007 оны 07 дугаар сарын 24-ний өдрийн 16 цагийн дотор мэдэгдэнэ үү.

"Хохирогчийн эрх"сэдэвт зурагт хуудасны уралдаан

Уран бүтээлчид та бүхнийг уралдаанд урьж байна

“ХОХИРОГЧИЙН ЭРХ” сэдэвт зурагт хуудас /плакат/-ны уралдааны болзол

“ХЭҮК-ын Мэдээлэл лавлагааны төвийг бэхжүүлэх нь” сэдэвт сургалт

 Сургалтыг Шведын Олон улсын хөгжлийн агентлагын санхүүжилтээр Лүндийн их сургуулийн Раол Валленбергийн Хүний эрх, хүмүүнлэгийн ухааны сургуулиас 2007 оны 6-р сарын 12-21 өдрүүдэд ХЭҮКомиссын ажилтнуудад зохион байгуулна.

ЭҮК-ын 5 дугаарсарын үйл ажиллагааны тухай

 Хүний Эрхийн Үндэсний Комисс нь 2007 оны 5 дугаар сард холбогдох шалгалт, сургалтыг зохион байгуулна.

Та бүхний сонорт

Монгол Улсын Хүний Эрхийн Үндэсний Комиссын Орон тооны бус зөвлөл (цаашид “Зөвлөл” гэх) нь Комиссын үйл ажиллагаанд иргэний нийгмийн байгууллагуудын оролцоог хангах, Комиссын үйл ажиллагаанд туслах чиг үүрэг бүхий бүтэц юм. Зөвлөлийн дүрэм шинэчлэгдэж байгаатай холбоотойгоор гишүүдийн сонгон шалгаруулалтыг зарлаж байна.

Сэтгүүлчдэд зориулсан цуврал сургалтанд урьж байна

Энэ удаагийн сургалтанд – Хөгжлийн үзэл баримтлал ба эмэгтэйчүүд; - Хүний хөгжил ба ядуурал: хэмжигдэхүүн ба шалгуур; - Эмэгтэйчүүдийн эрх ба жендэрийн тухай ойлголт; - Хөдөлмөрлөх эрх ба эмэгтэйчүүдийн аж байдал; - Глобальчлалын үр нөлөө эмэгтэйчүүдэд зэрэг сэдвээр мэргэжилтэн багш нар хичээл заах юм.

Эхний удаагийн сургалтанд хамрагдсан болоод бусад сонирхсон сэтгүүлчид нэрсээ 2007 оны 4 дүгээр сарын 23-ны дотор Комиссын 262752, 262589 дугаарын утсаар ирүүлнэ үү.

Сургалт: ХЭҮК-ын Сургалтын танхим /514 тоот/-д 10.00-17.00 цагийн хооронд болно.
Хаяг: 5 дугаар давхар, Засгийн газрын XI байр, Эрх чөлөөний талбай

Syndicate content